Өвөрхангай аймаг | Стандарт, хэмжил зүйн хэлтэс

2025 ОНЫ 02 САРЫН 15, БЯМБА ГАРИГ

Салбарын мэдээ

Захиалгат сургалтууд зохион байгуулагдлаа

Бүгдийг үзэх »

Фото мэдээ

Энэхүү бага наадмыг аймгийн Биеийн тамир спортын газар, Бүсийн оношилгоо, эмчилгээний төв хамтран Монгол улсын Ерөнхийлөгчийн санаачилгаар хэрэгжиж буй "Эрүүл Монгол хүн" үндэсний хөдөлгөөний хүрээнд зохион байгуулсан бөгөөд 47 хэлтэс, агентлагийн 400 орчим тамирчид 17 багт хуваагдан волейбол, сагсан бөмбөг 3х3, дартс, ширээний теннисний төрлөөр өрсөлдөж дүнгээ гаргалаа.
Манай хэлтэс нь аймгийн Эрүүл мэндийн газар болон Зоонозын өвчин судлалын төвтэй хамтран тус наадамд амжилттай оролцож дартсын эмэгтэй хосын төрөлд бүтээгдэхүүн баталгаажуулалтын мэргэжилтэн Г.Даариймаа, Зооноз ӨСТ-ийн лабораторийн эмч С.Цэнддулам нар хүрэл медаль, ширээний теннисний эрэгтэй төрөлдЗооноз ӨСТ-ийн биологич Б.Ганбат мөнгөн медаль авч багийн дүнгээр 5-р байрт шалгарлаа.
Наадмын шагнал гардуулах ёслолд аймгийн Засаг даргын орлогч М.Батзориг, Биеийн тамир, спортын газрын дарга Ө.Жамдүдсансүм, БОЭТ-ийн захирал Г.Дашжанцан нар оролцож шилжин явах цомыг Зэвсэгт хүчний 256-р ангид шилжүүлэн өглөө. — 2024/12/02

Аймгийн Засаг даргын Тамгын газрын дэргэдэх хэлтэс, агентлагуудын "Төрийн албан хаагчдын VII бага наадам амжилттай зохион байгуулагдлаа.

Арвайхээр сумын үнэт эдлэлийн худалдаа эрхлэгчдэд аймгийн Санхүү, төрийн сангийн хэлтэстэй хамтран 11 дүгээр сарын 27-ны өдөр “Сорьцын хяналт шалгалт, хууль тогтоомжийн талаарх ерөнхий ойлголт”, “Үнэт металл, үнэт чулууны эсхүл тэдгээрээр хийсэн эдлэлийн худалдаа эрхлэх үйл ажиллагаа” сэдвүүдээр сургалт мэдээлэл хийж, аргга зүйн зөвлөгөө өгч ажиллалаа. — 2024/11/27

Сургалт зохион байгууллаа.

2024 оны 11 сарын 14-ний өдөр Арвайхээр суманд шинээр хүнсний бүтээгдэхүүний үйлдвэрлэл эрхлэгч 16 иргэн, аж ахуй нэгжүүдэд бүтээгдэхүүний сорилт шинжилгээ, сав боодлын шошгололтод тавих стандартын шаардлага, савласан бүтээгдэхүүний тоо хэмжээний хяналтын талаарх мэдлэг ойлголтыг нэмэгдүүлэх сургалтыг аймгийн Хүнс хөдөө аж ахуйн газар, Эрүүл мэндийн газартай хамтран зохион байгууллаа. Сургалтын үеэр оролцогчдын асуултад хариулт өгч, итгэмжлэгдсэн лабораторийн үйл ажиллагааг танилцуулсан. — 2024/11/14

ХҮНСНИЙ БҮТЭЭГДЭХҮҮН ҮЙЛДВЭРЛЭГЧДЭД СУРГАЛТ ЗОХИОН БАЙГУУЛЛАА.

Стандарт, хэмжил зүйн хэлтэс нь "Онги-Ус Суваг" ХХК-тай байгуулсан Хэмжих хэрэгслийн шалгалт, баталгаажуулалт хийх 2024 оны 10 дугаар сарын 2-ны өдрийн ШБШТ/17 гэрээний дагуу Арвайхээр сумын 105, 409, 507, 500, 505, 503 орон сууцууд болон аж ахуй нэгж, байгууллагуудын халуун, хүйтэн усны тоолуурыг шалган баталгаажуулж байна.
Шалгалт баталгаажуулалтын лац, тэмдэг нь хөндөгдсөн, арилсан, гэрчилгээг үрэгдүүлсэн, хуурамчаар үйлдсэн, баталгааны хугацаа дууссан, эвдэрсэн буюу буруу заалттай хэмжих хэрэгслийг баталгаагүйд тооцох ба Стандарт, хэмжил зүйн газрын даргын 2022 оны 03 дугаар сарын 30-ны өдрийн А/58 тушаалын дагуу 2 жил тутам баталгаажуулалтад хамруулна. — 2024/11/12

Усны тоолуурын ээлжит шалгалт, баталгаажуулалт хийгдэж байна.

Баталгаажуулалтын шинжээчийн M2, M3, М4 сургалт өнөөдөр эхэлж, итгэмжлэгдсэн баталгаажуулалтын байгууллагын болон 21 аймгуудын Стандарт, хэмжил зүйн хэлтсийн мэргэжилтнүүд, баталгаажуулалтын шинжээчийн эрх олгох, эрх сунгах сургалтанд хамрагдах ажилтнууд болон шинжээчид оролцож байна.
Уг сургалтаар тохирлын үнэлгээ, баталгаажуулалтын үндэсний тогтолцооны хууль эрх зүйн орчин, шинэчлэлийн талаарх мэдээлэл, тохирлын үнэлгээний итгэмжлэл, Олон Улсад харилцан хүлээн зөвшөөрөх хэлэлцээрийн дагуу тавигдах шалгуур шаардлагуудын талаар болон бүтээгдэхүүн, үйлчилгээний баталгаажуулалтын үндсэн асуудал, баталгаажуулалтын байгууллагад тавигдах ерөнхий шаардлага, бүтээгдэхүүний баталгаажуулалтын схемын заавар зэрэг агууллагын хүрээнд явагдана.
Сургалтыг Стандарт, хэмжил зүйн газрын СТҮБГ-ын дарга Г.Тулгаа мөн СХЗГ-ын ХШҮДАГ-ын дарга Ч.Отгонцэцэг болон ахлах мэргэжилтнүүд мэдээлэл өгч, танхим, зайнаас хосолсон хэлбэрээр 11-р сарын 11-15-ны өдрүүдэд зохион байгуулагдаж байна. — 2024/11/11

БАТАЛГААЖУУЛАЛТЫН ШИНЖЭЭЧИЙН СУРГАЛТАНД 21 АЙМГИЙН МЭРГЭЖИЛТНҮҮД ХАМРАГДАЖ БАЙНА

Стандарт, хэмжил зүйн хэлтсийн 2024 оны сургалтын төлөвлөгөөний дагуу "MNS ISO 9001:2016 Чанарын менежментийн тогтолцоо, шаардлага" сургалт 11 дүгээр сарын 7, 8-ны өдрүүдэд ISO 9000 бүлэг стандартын талаар ерөнхий мэдлэг мэдээлэлтэй болох, Чанарын менежментийн тогтолцоо (ЧМТ)-ны шаардлага, норматив баримт бичиг, хууль эрх зүйн орчныг ойлгох, ЧМТ-г аливаа байгууллагад хэрэгжүүлэх, нэвтрүүлэх болон энэхүү үйл ажиллагаатай холбоотой аудитын үйл явцын талаар мэдлэгтэй болоход туслах зорилгоор зохион байгуулагдсан бөгөөд сургалтыг Стандарт, хэмжил зүйн газрын Стандартчилал, тохирлын үнэлгээний бодлогын газрын ахлах мэргэжилтэн Д.Даваасүрэн, Бүтээгдэхүүн тогтолцооны баталгаажуулалтын газрын ахлах мэргэжилтэн С.Алтанцэцэг нар батлагдсан төлөвлөгөө, сэдэв агуулгын хүрээнд явууллаа.
Энэхүү сургалтад сумдын ЗДТГ, боловсрол, эрүүл мэндийн салбарын болон бүтээгдэхүүн үйлдвэрлэл, үйлчилгээний 50 гаруй төлөөллүүд оролцлоо. — 2024/11/08

"MNS ISO 9001:2016 ЧАНАРЫН МЕНЕЖМЕНТИЙН ТОГТОЛЦОО, ШААРДЛАГА" стандартын сургалт зохион байгуулагдлаа.

Өвөрхангай аймаг 2024 оныг "Цахим шилжилтийг эрчимжүүлэх жил" зорилтот жил болгон зарлсантай холбогдуулан Арвайхээр сумын ерөнхий боловсролын сургуулиудын ахлах бүлгийн ангийн дарга нарт стандартын ач холбогдол, стандартын цахим санг таниулан хэрэглээг нэмэгдүүлэх зорилгоор "Стандарттай Монгол" сургалтыг Өвөрхангай аймаг дахь Төрийн цахим үйлчилгээний хэлтэстэй хамтран зохион байгууллаа. Төрийн цахим үйлчилгээний хэлтэс нь "Цахимд зөв байя" уриан дор кибер аюулгүй байдлын сургалт, мэдээллийг хийлээ. — 2024/11/01

ЕБС-ийн сурагчдад сургалт зохион байгуулав.

Монгол Улсын Засгийн Газар, Жендэрийн Үндэсний Хороо Монгол Улсын Ерөнхий сайдын 71 дүгээр захирамжаар батлагдсан “Эрэгтэй, эмэгтэй хүний дундаж наслалтын зөрүүг багасгах талаар авч хэрэгжүүлэх арга хэмжээний төлөвлөгөө (2024-2027)”-г үндэсний хэмжээнд танилцуулах ажлыг зохион байгуулж байна.
Энэ хүрээнд аймгийн ЗДТГ-ын Нийгмийн бодлогын хэлтсийн дарга бөгөөд Жендэрийн салбар зөвлөлийн дэд дарга Б.Сайнжаргал болон хэлтэс, агентлаг, сумдын ЗДТГ-ын удирдлагууд, мэргэжилтнүүд зэрэг төрийн 40 байгууллагын 800 гаруй албан хаагчид 2024 оны 10 дугаар сарын 29-ны өдөр цахимаар хамрагдав.
Дөрвөн жилийн хугацаанд хэрэгжүүлэх тус төлөвлөгөөг Жендэрийн үндэсний хорооны ажлын албаны Эрэгтэйчүүдийн хөгжлийн асуудал хариуцсан мэргэжилтэн Д.Батхишиг танилцуулж, тус төлвөлгөөний дагуу аймгийн хэмжээнд 12 арга хэмжээг хэрэгжүүлэхээр боллоо.
Жендэрийн Үндэсний Хороо — 2024/11/01

“ЭРЭГТЭЙ, ЭМЭГТЭЙ ХҮНИЙ ДУНДАЖ НАСЛАЛТЫН ЗӨРҮҮГ БАГАСГАХ ТАЛААР АВЧ ХЭРЭГЖҮҮЛЭХ АРГА ХЭМЖЭЭНИЙ ТӨЛӨВЛӨГӨӨ”-Г ТАНИЛЦУУЛЛАА.

Бүгдийг үзэх »

Видео мэдээ

Б.УУГАНБАЯР: Стандартыг бүх шатанд хэрэгжүүлэхийн тулд хууль эрхзүйн орчныг сайжруулах чиглэлээр бодлогын маш олон ажлыг хийж байна.

Орон нутгийн чанарын шилдгүүд тодорлоо

Бүгдийг үзэх »

Зөвлөгөө, зөвлөмж

Төлбөр төлөх дансны мэдээлэл

Тохирлын гэрчилгээ шинээр авах болон сунгуулахад бүрдүүлэх материалын жагсаалт

Ихэнх нөхцөлд хор хөнөөлгүй боловч энэ бактери нь уушигний хатгалгаа үүсгэхээс гадна цусанд халдварлавал ноцтой асуудал үүсгэдэг. Архаг архичин, хорт хавдартай, чихрийн шижин өвчинтэй, бөөрний дутагдалтай, элэг болон уушиг нь өвчилсөн хүн,дархлаа султай үед klebsiella бактерийн халдвар маш амархан авдаг. Агаараар биш ахуйн замаар халдварладаг. Дамжин халдварлах гол нөхцлүүд нь шээс гадагшлуулах гуурс, амны хөндийн (цэр,шүлс) ялгадсанаас шинжилгээ авах багажнуудаас халдварлагдах боломжтой. Klebsiella бактер нь цусны халдвар, шээсний замын халдвар, элэгний өрөвсөл, менингит, бүдүүн гэдэсний өрөвсөл, бүх терлийн хагалгааны дараа үед Klebsiella бактерийн халдвараар өвчлөх магадлал өндөр байдаг. Иймд урдчилан сэргийлэхийн тулд хувийн ариун цэврийг чандлан сахих нь чухал юм.
Кlebsiella бактерaaр халдварлагдсан байж магадгүй шимж тэмдгүүд нь:
1.Өндөр хэмтэй халуурах
2.Ханиалгах
3.Цээжээр хөндүүрлэн өвдөх
4.Амьсгалахад зовиуртай болох
5.Улаан нялцгай цэр гарах гэх мэт шинж тэмдгүүд илэрнэ.
Урдчилан сэргийлэлт: Гарын ариун цэврийг дээд зэргээр сахих,тогтмол бактерийн эсрэг савангаар угааж хэвших, мөн өрөө тасалгааны цэвэрлэгээг тогтмол хийж агааржуулалт сэлгэлт хийх, маск тог тмол зүүж хэвших зайлшгүй шаардлагай үед эмнэлгийн анхан шатны тусламж авах хэрэгтэй. — 2024/11/19

ЗӨВЛӨМЖ: Klebsiella бактер нь антибиотект тэсвэртэй гэдсэн дотор байдаг нийтлэг бактерийн нэг юм.

Ариутгал халдваргүйтгэлийн бодис нь гадаргуу болон агаарт байгаа бактери, вирус, мөөгөнцөр зэрэг хортой бичил биетнийг устгахад ашигладаг бодис юм. Ариутгагч бодисыг сонгохдоо хэд хэдэн шинж чанарыг анхаарч үзэх хэрэгтэй.
Микробын үр нөлөө:
Ариутгагч бодис нь тодорхой бичил биетэн эсвэл бүлэг бичил биетнийг устгах чадвартай байдаг. Энэ нь ихэвчлэн ариутгалын бодисын үр нөлөөг тодорхойлдог “нян устгах шинжилгээ” гэж нэрлэгддэг туршилтаар хэмжигддэг.
Хордлого:
Ариутгалын бодис нь хүн болон хүрээлэн буй орчинд хор хөнөөл учруулах чадвартай. Үүнийг амьтан дээр хордлогын туршилтаар чанарын шинжилгээ хийх эсвэл ариутгалын бодисын химийн шинж чанарыг судлах замаар тодорхойлж болно.
Хэрэглэхэд хялбар:
Ариутгалын бодисыг хэрхэн савласан, хэрхэн хэрэглэх зэрэг ашиглахад хялбар байдаг. Зарим ариутгагч бодисууд нь урьдчилан хэмжсэн тунгаар байдаг бол зарим нь хэрэглэхийн өмнө усаар шингэлэх ёстой байдаг.
Олон нийтийн газар, гэр ахуйд яаж халдваргүйтгэл хийх вэ?
1. Халдваргүйтгэл хийхийн өмнө заавал гар болон халдвар тарааж мэдэх хэсгээ бактерийн эсрэг савангаар угаагаарай дараа нь ариутгагч спиртэн цэвэрлэгчээр гараа ариутгаад резинэн бээлий өмсөх хэрэгтэй.
2. Тухайн газар агаарын солилцоо сайн хийх хэрэгтэй. Тиймээс 2-3 цагийн зайтай 10-15 минут орчим цонхоо онгойлгож агаарын солилцоо оруулаарай.
3. Гэр ахуйд ашиглаж болох ариутгагч бодис бэлтгэх үүнд: “лакс, ариутгагч спирт, хлорамин” байж болно.
4. Бэлтгэсэн ариутгагч бодисоо даавуу “ алчуур”-д шингээгээд “хаалганы бариул, угаалгын өрөө, гарын түшлэг, ширээ, сандал, унтраалга, цонх, хана” гэх мэт хүний байнга гар хүрдэг газруудаа арчиж цэвэрлэх хэрэгтэй.
5. Халдваргүйжүүлэхэд ашигласан бүх даавуу, алчуур болон халдваргүйжүүлэлтийн явцад үүссэн хог хаягдлыг зориулалтын уутанд хийж устгана.
6. Гэр ахуйн ариутгалын бодисуудыг ашиглахдаа заавал устай хольж ашиглахыг анхааруулж байна. Мөн түүнчлэн халдваргүйжүүлэлт бүрэн хийгдэж дууссаны дараа ариутгалын үед ашигласан бээлий болон амны хаалтыг тусгай уутанд хийж хаях хэрэгтэй. Дараа нь гараа бактерийн эсрэг савангаар сайтар угаагаарай. — 2024/11/18

ЗӨВЛӨМЖ: АРИУТГАЛ ХАЛДВАРГҮЙТГЭЛИЙН БОДИС

Бичил биетний ерөнхий тоо гэдэг нь биологийн хэллэг бөгөөд энэ нь бичил биетнүүдийн тоо хэмжээг илэрхийлдэг ойлголт юм.Бичил биетнүүд нь микроскопоор томруулж харахад дугуй, савханцар хэлбэр нь харагддаг бөгөөд хөрс, ус, агаар зэрэг орчинд өргөн тархсан байдаг.
Жишээлбэл: Хөрсний бичил биетний ерөнхий тоо, ундны усны дахь бичил биетний ерөнхий тоо, агаар дахь бичил биетний ерөнхий тоо гэх мэт.Бичил биетний ерөнхий тоог тодорхойлохдоо бичил биетний тоог тоолох, тухайн бүтээгдэхүүний эрүүл ахуй, орчны бохирдол, тэжээлт орчны гадаргуу болон гүн тарилт хийх тоо хэмжээ болон түүний ургах хурд эзлэхүүнийг хэмжих замаар тооцоолдог. Орчны бохирдол, өөрчлөлтийг хянах, уур амьсгалын өөрчлөлтийг судлахад чухал ач холбогдолтой.Иймд бичил биетний ерөнхий тоо (ББЕТ) гэдэг нь бичил биетнүүдийн тоо хэмжээг илэрхийлдэг, экосистемийн эрүүл байдлыг харуулдаг чухал ойлголт юм.
Урдчилан сэргийлэлт: Гарын ариун цэврийг дээд зэргээр сахих, тогтмол бактерийн эсрэг савангаар угааж хэвших,мөн өрөө тасалгааны цэвэрлэгээг тогтмол хийж агааржуулалт сэлгэлт хийх, маск тогтмол зүүж хэвших шаардлагатай. — 2024/11/11

ЗӨВЛӨМЖ: БИЧИЛ БИЕТНИЙ ЕРӨНХИЙ ТОО

ЗӨВЛӨМЖ: Гэрийн нөхцөлд жимс болон хүнсний ногооноос пестицидийн үлдэгдлийг хэрхэн арилгах вэ?

Нийтлэлийн төрөл

Авлигын эсрэг үйл ажиллагаа Албан хаагчдын мэдээлэл Арга хэмжээ Аудитын ил тод байдал Бидний тухай Видео мэдээ Дарга Даргын тушаал шийдвэр Дүрэм журам Ёс зүйн хороо Засгийн Газрын тогтоол, шийдвэр Зөвлөмж, зөвлөгөө Нийгмийн баталгааны хөтөлбөр Нээлттэй ажлын байр Олон нийтийн сүлжээ Өргөдөл гомдлын шийдвэрлэлт Сайд Сайдын тушаал шийдвэр Санхүүгийн ил тод байдал Санхүүгийн тайлан Стандарт Статистик мэдээ Сул орон тооны зар Сургалтын зар Сэтгэл ханамжийн судалгаа Төсөв, санхүүгийн мэдээлэл Төсөл, хөтөлбөр Төсөлд санал авч байна Тусгай зөвшөөрөл Үйл ажиллагаа Үйл ажиллагааны ил тод байдал Үйл ажиллагааны тайлан Үйл ажиллагааны төлөвлөгөө Фото мэдээ Холбоо барих Худалдан авах ажиллагааны төлөвлөгөө Худалдан авах ажиллагааны явцын мэдээлэл Хуулийн төсөлд санал авч байна Хүний нөөцийн стратеги төлөвлөгөө Хүний нөөцийн судалгаа Хүний нөөцийн удирдлага Хяналт шинжилгээ үнэлгээ Цаг үеийн мэдээ Цахим сэтгүүл Шилэн данс

ХАМТРАГЧ БАЙГУУЛЛАГУУД

ЦАХИМ ХОЛБООС

САЙТЫН ХАНДАЛТ

Хугацаа	Хандалтын тоо
ӨНӨӨДӨР	52
ЭНЭ 7 ХОНОГ	757
ЭНЭ САР	2165
НИЙТ	13825

Холбоо барих

Хаяг:
Өвөрхангай аймаг, Арвайхээр сум, 5-р баг, Д.Пүрэвдоржийн гудамж, №103

Утасны дугаар:
7032-2320

Цахим шуудан: uvurkhangai@masm.gov.mn

Өвөрхангай аймаг | Стандарт, хэмжил зүйн хэлтэс. Бүх эрх хуулиар хамгаалагдсан. 2025 он.